Azərbaycanda canlı yayıma çıxan qadının özündən 24 yaş böyük ərinə dediyi sözlər hər kəsi təəccübləndirib.

APress.az Sonxeber.az-a istinadən xəbər verir ki, “Səni axtarıram” verilişinə gələn və uşağını atmaqda ittiham olunan Fərqanə adlı qadın canlı yayımda həyat yoldaşını təhqir edib.

Fərqanə uşağımı atmadığını bildirib:

“Mən bazarda olanda Münayə (həyat yoldaşının birinci arvadı – red.) mənə yaxınlaşıb dedi ki, uşağı onun adıma keçirim. Hansı ana öz övladını atar?!”

Daha sonra Fərqanə həyat yoldaşını təhdid edib:

“Səni Mingəçevirdə basdıracağam, “qoca qartal”! Çölə çıxanda sənə gününü göstərəcəyəm. Sən mənim kimi qadını bədbəxt elədin. Münayədə heç bir günah yoxdur. Bütün günahlar bu kişidədir. O, iki qadını düşmən edib. Ona görə valideynlərim və bacım məndən imtina ediblər. Mən uşağı müvəqqəti olaraq həyat yoldaşıma vermişdim”.