Avropa ölkələri sərhədlərini turistlərin üzünə açır – Ancaq peyvənd olunmuşlarabackend
Dünya
324

Avropa ölkələri sərhədlərini turistlərin üzünə açır – Ancaq peyvənd olunmuşlara

  • whatsapp
  • messenger
  • telegram
  • vkontakte
  • odnoklassniki
Avropa İttifaqı ölkələri koronavirusa qarşı tam peyvənd olunmuş turistlər üçün sərhədlərini açacaq.
APress.az bildirir ki, bu barədə AFP News Agency şəxsi Twitter hesabında məlumat verib.
Mayın 19-da Avropa Dərman  Agentliyi (EMA) tərəfindən təsdiqlənmiş preparatlarla peyvənd olunmuş turistlərə Avropa İttifaqına üzv  ölkələrin ərazilərinə giriş icazəsi verilməsi barədə razılıq əldə edilib.  Avropa Komissiyası razılaşmasının tövsiyə xarakteri daşıdığı qeyd olunur.
Mayın 25-də Avropa İttifaqına üzv ölkələrin  dövlət və hökumət başçılarının təcili sammiti keçiriləcək. Toplantıda müzakirə ediləcək əsas mövzularından birinin əcnəbi vətəndaşlar üçün Aİ ərazisinə giriş qaydalarının razılaşdırılması olacağı gözlənilir. Həmçinin ittifaq  üzvü olan 27 ölkədə tanınmış peyvənd sertifikatının “yaşıl rəqəmsal keçidinin tətbiqi” məsələləri də müzakirə ediləcək.

Bir müddət əvvəl, may ayının əvvəlində ETOA Avropa Turizm Assosiasiyasının rəhbəri Tom Cenkins Avropa ölkələri sərhədlərinin  əcnəbi  turistlər üçün açılacağı vaxt barədə danışmışdı. Onun sözlərinə görə, Avropadakı turizm payıza və ya qışa qədər  normala dönə bilər və 2021-ci il 2020-ci ilə nisbətən daha yaxşı olacaq.

Sfera.az