COVID-19 peyvəndi sonsuzluğa səbəb olur?backend
Cəmiyyət
28

COVID-19 peyvəndi sonsuzluğa səbəb olur?

  • whatsapp
  • messenger
  • telegram
  • vkontakte
  • odnoklassniki
COVID-19 peyvəndinin sonsuzluğa səbəb olduğu ilə bağlı səsləndirilən fikirlər əsassızdır.
APress.az “Report”a istinadən xəbər verir ki, bunu Səhiyyə Nazirliyinin eksperti Hüseyn Qabulov deyib.
Onun sözlərinə görə, hazırda koronavirus peyvəndi alan qadınların müvəffəqiyyətlə hamilə qaldıqlarına dair bir çox nümunə var: “Həmçinin hamilə qalmağı planlaşdıran qadın könüllülər arasında da tədqiqat işləri aparılıb. Bu tədqiqatlar da öz növbəsində COVID-19 peyvəndinin qadınların reproduktiv sağlamlığına mənfi təsiri barədə iddiaların yalan olduğunu təsdiqlədi”.
Ekspert həmçinin əlavə edib ki, dünya təcrübəsinə baxılsa bir çox qadın hamiləlik dövründə peyvənd olunub və sağlam körpələr dünyaya gətirib: “Bunlara klinik sınaqlara qatılan və vaksinasiyadan sonra hamilə qalan qadınlar, həmçinin hamiləlik dövründə peyvənd olunmuş qadınlar daxildir”.