Lənkəran rayonunun Yuxarı Nüvədi kəndində 1946-cı il təvəllüdlü Girdənaz Qurbanovanın 1990-cı il təvəllüdlü gəlinini döyməsini əks etdirən videogörüntülər sosial şəbəkələrdə yayılıb.

75 yaşlı Girdənaz Qurbanovanın ruhi əsəb xəstəliyindən əziyyət çəkdiyi iddia olunur.

Döyülən qadının isə hamilə olmadığı və iki övladının olduğu bildirilib.

Kənddən verilən məlumata görə, Güldənaz Qurbanovanın qızı kəndə gələrək anasını paytaxt xəstəxanalarının birinə gətirib.

Qeyd edək ki, faktla bağlı hüquq-mühafizə orqanları tərəfindən zəruri addımların atıldığı qeyd edilir. //”Ölkə.Az”