Ölkədə koronavirusa yoluxanların sayının artan templə davam etməsi karantin qaydalarının yenidən sərtləşdirilməsini gündəmə gətirib.
Bəs, həqiqətən də qapanmalara gərək varmı?
AZXEBER.COM-a öz fikirlərini bildirən Müasir Müsavat Partiyasının sədri Hafiz Hacıyev Azərbaycanda karantin şərtlərinin sərtləşməsinin doğru addım olmadığını vurğulayıb: “Azərbaycanda karantin qaydalarının sərtləşdirilməsinə heç bir zərurət yoxdur. Qapanmalarla heç nəyə nail olmaq mümkün deyil. Belə olduğu təqdirdə xalq əziyyət çəkir. Əksinə, qüvvədə olan karantin qaydaları da aradan qaldırılmalıdır. Şadlıq sarayları açılmalıdır, toylara icazə verilməlidir”.