Metroda qadınlar üçün xüsusi vaqonlar ayrıla bilərbackend
Dünya
289

Metroda qadınlar üçün xüsusi vaqonlar ayrıla bilər

  • whatsapp
  • messenger
  • telegram
  • vkontakte
  • odnoklassniki

Rusiyada metroda qadınlar üçün vaqonlar ayrılmalıdır. Bu tədbir qadınların ictimai nəqliyyatda təcavüzlərdən qorumağa kömək edəcək.

Unikal.org xəbər verir ki, Leninqrad vilayəti İctimai Palata sədrinin birinci müavini Vladimir Petrov Rusiyanın nəqliyyat naziri Vitali Savelyevə bununla bağlı məktub ünvanlayıb.

Siyasətçi bildirib ki, ictimai nəqliyyatın “ümumi” və “qadınlar” üçün bölünməsi praktikası artıq dünyada geniş yayılıb. Onun sözlərinə görə, belə bir tədbiri qəbul etmiş ölkələrdə qadınlar cinsi hücum və ya təcavüz riski barədə narahat olmadan təhlükəsiz səyahət edə biləcəkləri xüsusi vaqonlardan istifadə edə bilirlər.

“Hamilə qadınlar və ya azyaşlı uşaqları olan qadınlar da belə ictimai nəqliyyat vasitələrindən istifadə etməkdən məmnundurlar. Buna görə də Rusiyada metroda, tramvaylarda və digər ictimai nəqliyyat növlərində xüsusi qadın vaqonlarının işə salınması üçün bir sınaq təcrübəsini qiymətləndirməyinizi xahiş edirəm”, – deyə sənəddə bildirilib.

Qeyd edək ki, Rusiyada qadınlar üçün xüsusi vaqonlarla bağlı təklif 2015-ci ildə Federasiya Şurasında edilmişdi, lakin sözügedən təşəbbüs həyata keçirilməyib.