İsveçin Malmö şəhərinin Rosenqard bölgəsində müsəlman qəbiristanlığında 10 məzar daşı məhv edilib.

APress.az Axar.az-a istinadla xəbər verir ki, polis hadisə ilə əlaqədar istintaq başladıb.

İsveçdəki Fərqli Rənglər Partiyasının rəhbəri Mikayıl Yüksəl son vaxtlar İsveçdə müsəlmanlara qarşı hücum hadisələrinin artdığını deyib:

“Müsəlmanlar Avropa və İsveçdə ən çox zərər görən qrup olmalarına baxmayaraq, nə iqtidar, nə də siyasi partiyaların məsələ ilə bağlı hər hansı bir addım atdığını görürük”, – Yüksəl bildirib.