“Nikol Paşinyan erməni xalqı ilə çox alçaq bir oyuna başlayıb. Məndə olan məlumata görə, iki sənəd hazırlanır. Ərazilərin təslim edilməsinə dair gizli protokollar…”
APress.az xəbər verir ki, bu barədə “News Media” holdinqinin təsisçisi Aram Qabirelyanov özünün şəxsi Telegram səhifəsində yazıb.
“Sənədlərdən biri xüsusi əhəmiyyət kəsb etmir. İkincisi isə ərazilərin və anklavların təslim edilməsi və Qarabağa iddiaların rədd edilməsinə dair gizli protokoldur. Gizli protokol Paşinyan və xanımı tərəfindən şəxsən hazırlanır. Bu işdə Ermənistanın Müdafiə Naziri və tanınmış azərbaycanpərəst Karapetyanın da əli var. Xarici İşlər Nazirliyi və şəxsən Ara Ayvazyanı isə prosesdən kənarlaşdırıblar” – deyə, o, qeyd edib.
Sfera.az