ABŞ-ın Texas ştatının Allen şəhərində bir ailənin altı üzvü evdə ölü tapılıb.

APA xəbər verir ki, bu barədə “Fox News” telekanalı yerli polisə istinadən məlumat yayıb.

Məlumata görə, onların hamısı güllə yarasından ölüb.

Polisdən bildirilib ki, ölənlər evli cütlük, onların üç yetkin övladı və nənədir. İlkin məlumata görə, qardaşlardan ikisi ailənin digər üzvlərini öldürüb, daha sonra isə intihar ediblər.

Polis qardaşlardan birinin hadisə ilə bağlı mesaj qoyduğunu bildirib, ancaq onun məzmunu açıqlanmayıb. “Fox News” öldürülənlərin Banqladeşdən olduğunu qeyd edib.