Sfera.az xəbər verir ki, Bursa şəhərində 46 yaşlı Hazım Özsu silahla qətlə yetirilib.

Belə ki, bacısı ilə birlikdə yaşayan, dini mövzuda proqram hazırlayan Hazım axşam da tanımadığı şəxsə qapı açıb. Ardınca silahla vurulub, şübhəli isə hadisə yerindən dərhal qaçıb.

Radio aparıcısı xəstəxanaya çatdırılsa da, onun həyatını qurtarmaq mümkün olmayıb. İlkin məlumata görə, şübhəlinin psixoloji problemləri var və o, bir ildir ki, verilişin dinləyicisi olub.

Faktla bağlı cinayət işi açılıb.