Rusiyanın Udmurtiya respublikasında güclü yanğın baş verib.

APress.az xəbər verir ki, bu barədə “RİA Novosti” məlumat yayıb.

Bildirilib ki, hadisə Uvinsk rayonunun Nılqa kəndində qeydə alınıb. Belə ki, kənd ərazisindəki taxtadan olan evdə başlayan yanğın hadisə yerinə cəlb edilən yanğınsöndürənlər tərəfindən söndürülüb.

Yanğın yerinin kəşfiyyatı zamanı bir ailənin altı üzvünün meyiti aşkar olunub.

Qeyd olunub ki, 36 yaşlı kişi, 32 yaşlı qadın və 11, 12, 8 və bir yaşlı uşağın meyiti aidiyyəti üzrə təhvil verilib. Faktla bağlı cinayət işi açılıb, araşdırma aparılır.