Heyvanlar aləminin “Anjelina Colisi” kimi tanınan kapusin növlü 20 yaşlı meymun kino dünyasında göstərdiyi xidmətlərinə görə bir neçə il əvvəl fəxri mükafata layiq görülüb.

Kristall adlı meymun azı 18 ildir ki, kino dünyasındadır. O, “Muzeydə gecə” (Night at the Museum), “Subaylığın son gecəsi” (The Hangover), “Həkim Dulittle” (Dr. Dollitle) kimi komediya filmlərində oynayıb.

APress.az lent.az-a istinadən xəbər verir ki, Kristalla heyvanların “Oskar” mükafatı hesab olunan “Pawscar” (paw-pəncə sözündən yaranıb) verilib.

Qeyd edək ki, “Baytarlıq klinikası” serialından Kristall hər epizoda görə 12 min dollar qonorar alıb.