Bu gün “Nasdaq” elektron birjasının indeksi 1,8%-dən artıq dəyərdən düşüb və bu, cari ilin martından indiyədək ən pis göstəricidir.

APress.az xəbər verir ki, “Dow Jones” sənaye indeksi 19,80 bənd (0,30%) artaraq 34 133,03 bəndə qalxıb, “Standard & Poor 500” indeksi 28,00 bənd (0,67%) azalaraq 3 971,09 bəndə düşüb.

“Nasdaq” elektron birjasının indeksi isə 255,05 bənd (1,85%) azalaraq 13 544,67 bəndə enib.

WTI markalı neftin iyun fyuçersləri 1,62 ABŞ dolları (2,51%) bahalaşaraq 66,12 ABŞ dollarından satılıb.