ABŞ Prezidenti Co Bayden yanvarın 15-də xalqa vida müraciəti ilə çıxış edəcək.

“Apress.az” xəbər verir ki, bu barədə Ağ Evin rəsmi saytında məlumat dərc edilib.

“Çərşənbə günü, yanvarın 15-də, saat 20:00-da prezident Oval kabinetdən xalqa vida müraciəti ilə çıxış edəcək”, – məlumatda deyilir.

Qeyd edək ki, 82 yaşlı Co Bayden ABŞ-nin 46-cı prezidentidir və 20 yanvar 2021-ci ildən bu vəzifəni icra edir.

Xatırladaq ki, Tramp ötən ilin noyabrın 5-də keçirilən prezident seçkilərinin qalibi olub. Yanvarın 20-də Respublikaçının andiçmə mərasimi baş tutacaq.