“Lukoil” neft şirkətinin direktorlar şurası şirkətin baş icraçı direktoru Vadim Vorobyovun səlahiyyətlərinə vaxtından əvvəl xitam vermək qərarına gəlib.

Apress.az-ın məlumatına görə, bu barədə şirkət məlumat yayıb.

Onun yerinə “Lukoil”da Rusiyada neft və qaz hasilatı üzrə vitse-prezident vəzifəsini tutan Sergey Koçkurov təyin edilib.

Vorobyov 2022-ci ilin mayında Vahid Ələkbərovu əvəzləyərək “Lukoil”a rəhbərlik edib. Ələkbərov Böyük Britaniyanın ona qarşı tətbiq etdiyi sanksiyalara görə şirkətin direktorlar şurasını və prezidenti vəzifəsini tərk edib. Ötən həftə, yanvarın 10-da ABŞ Rusiyanın enerji sektoruna, o cümlədən Vorobyevə qarşı sanksiyalar tətbiq edib.

ABŞ Maliyyə Nazirliyinin anti-Rusiya sanksiyaları siyahısına Ələkbərovun oğlu, “Qazprom Neft”in İdarə Heyətinin sədri Yusuf Ələkbərov da daxil edilib.