Türkiyənin Isparta şəhərində hərbi helikopter qəzaya düşüb.

“Apress.az” “TRT Haber”ə istinadən xəbər verir ki, helikopter şəhərin Keçiborlu bölgəsində yanacaqdoldurma məntəqəsinin yaxınlığında qəzaya uğrayıb.

Hadisə ilə bağlı digər detallar hələ açıqlanmayıb.

***

Isparta valisi Abdullah Erin qəza nəticəsində biri təlim komandiri olmaqla 5 əsgərin həlak olduğunu açıqlayıb.

Onun sözlərinə görə, təyyarənin göyərtəsində olan digər şəxslərin axtarışları davam etdirilir.

***

“TRT Haber”in verdiyi məlumata görə, hadisə iki hərbi helikopterin toqquşması nəticəsində baş verib. Nəticədə bir helikopter yerə düşüb.

Helikopterdə olan 5 hərbçi həlak olub, 1 nəfər isə itkin düşüb. Ölənlərdən birinin general İsa Baydilli olduğu açıqlanıb.

Digər helikopter isə heç bir tələfat olmadan yerə endirilib.

Helikopterlərin təlim uçuşu üçün havaya qalxdıqları bildirilir.